Adimen emozionala:

Ikerketa psikopedagogikoaren arloan, “Adimen emozionala” hitza Peter Salovey-ek (Harvard) eta John Mayer-ek (New Hampshire) erabili zuten lehen aldiz 1990an. Eskolan eta arlo profesionalean arrakasta zeukaten pertsonen ezaugarri emozionalak deskribatzeko erabili zuten. Baina Daniel Goleman-ek famatu bihurtu zuen kontzeptu hau “Inteligencia emocional” liburuarekin. Goleman-ek horrela definitzen du adimen emozionala: gure sentimenduak eta besteenak identifikatzeko trebezia, motibatzeko eta harremanak bideratzeko gaitasuna. Adimen-kozienteak errekurtso mentalak erabiltzeko ahalmena adierazten. Era berean, Adimen-emozionalak pertsonaren ahalmena automotibatzeko, emozioak bideratzeko, lagunak egiteko eta sentsuzko bizitza bizitzeko ahalmena adierazten du. Gizakiaren jokaera aztertzen dutenek, betidanik jakin duguna baieztatzen dute: pertsona izatea, adimen-intelektual handia edukitzea baino garrantzitsuagoa dela. Hezkuntza arloan egindako ikerketek diotenez, arrakastaren %20a adimen intelektualari esker da eta %80a adimen emozionalari esker. Adimen kozientea eta adimen emozionala ez dira kontrakoak, ezberdinak baizik. Adimen intelektuala badauka zerikusia adimen emozinalarekin, baina kontzeptu ezberdinak direla antzeman dezakegu argi eta garbi.